Лекция: Кестелер
Web –құжатының негізгі бөліктерінің бірі кесте. Ол тікбұрышты бағаналар мен көлденең орналасқан жолдардан тұратын торлар жиыны түрінде қарастырылады. Жолдар мен бағананың қиылысы ұяшық деп аталады. Бір ұяшықта мәтін, сурет немесе басқа бір шағын кесте орналаса алады. Кестелерді қолдана отырып, бірнеше бағана құруға және суреттің фон мен үйлесуін сәндірек етуіге болады т.с.с. Кесте <TABLE> ашылатын тэгімен басталып </TABLE> тэгімен аяқталады. Кестенің жолдары <TR> тэгімен басталады және (</TR> Table Row), тэгімен жабылады, ал әрбір ұяшық <TD> тэгімен басталып(</TD> Table Data) тэгімен аяқталады. <TD> тэгі кестедегі мәліметтерді көрсетуге арналған, ал ұяшықтар тақырыбын енгізу үшін <TH>…</TH> (Table Header) (кесте тақырыбы)тэгі қолданылады, бірақ бұл жағдайда мәтін қалың шрифтті ірі ұяшық ортасына жазылады.
<TABLE> тэгінде мынадай атрибуттары болуы мүкін:
| Атрибут | Атқаратын қызметі |
| ALIGN | Кестенің құжаттағы орналасуын анықтайды. Жазылмаған жағдайда кесте документтің сол жағына жабысып тұрады. Оның мынадай атрибуттары бар: LEFT (сол жаққа), CENTER (ортаға) және RIGHT (оң жаққа). |
| WIDTH | Кестенің енін пиксельмен немесе пайызбен анықтайды. (мысалы, WIDTH= “400”) немесе кесте енін пайыз бойынша (мысалы, WIDTH= “80%” ). |
| BORDER | Кесте қабырғасының қалыңдығын пиксельмен береді (мысалы BORDER= “4”), жазбаған жағдайда n=0 болып, кесте қабырғалары көрінбей тұрады. |
| CELLSPACING | Ұяшықтардың ара қашықтықтарын пиксельдермен береді. (мысалы, CELLSPACING= “2”). |
| CELLPADDING | Мәтін мен кесте қабырғасының ара қашықтығын пиксельдермен береді. |
Кесетде тақырып орналасуы мүмкін, ол (<CAPTION>… </CAPTION>) тэгтерінің ортасында орналасады. Тақырыпқа ALIGN атрибутын қолдануға болады, ол кестеде орналасуын анықтайды: <CAPTION ALIGN=TOP> тақырып кестенің жоғарғы жағының ортасына жазылады. <CAPTION ALIGN=BOTTOM> тақырып кестенің төменгі жағының ортасына жазылады.Кестенің жолдары <TR> тэгімен басталады және </TR> тэгімен жабылады. Берілген тэгтің мынадай атрибуттары болуы мүмкін:
| Атрибут | Атқаратын қызметі |
| ALIGN | Ұяшықтағы мәтінді көлденең түзету. LEFT (солға), СENTER (ортаға) және RIGHT (оңға) белгілерін пайдалануға болады. |
| VALIGN | Ұяшықтағы мәтінді тігінен түзету. Берілетін белгілер: VALIGN=TOP (жоғарғы шетпен түзету), VALIGN=CENTER (ортаға түзету, еш нәрсе жазбаған жағдайда қолданылады), VALIGN=BOTTOM (төменгі шетпен түзету). |
Кестенің әрбір ұяшығы <TD> тэгімен басталып</TD> тэгімен жабылады. Берілген тэгтің мынадай атрибуттары болуы мүмкін:
| Атрибут | Атқаратын қызметі |
| NOWRAP | Бұл атрибут ұяшықтағы мәтінді бір жолға сидырады. |
| COLSPAN | Кестені көлденең түрде созу. Мысалы, <TD COLSPAN=«2»> ұяшық екі бағанаға созылатынын білдіреді. |
| ROWSPAN | Ұяшықты жол бойымен созу. Мысалы, <TD ROWSPAN=«2»> ұяшық кесетенің екі жолына созылатынын білдіреді. |
| WIDTH | Ұяшықтың енін пиксельдермен береді. (мысалы, WIDTH= “200”). |
| HEIGHT | Ұяшықтың биіктігін пиксельдермен береді. (мысалы, HEIGHT= “40”). |
| BORDERCOLOR="#FFFFFF" | Қабырғаның түсін анықтайды, #FFFFFF — ақ түс. |
| BACKGROUND=«image.gif» | Кестенің фонына сурет толтырады. |